Atletet tuaja të radhës, mund të jenë të prodhuara nga kafeja

 Atletet tuaja të radhës, mund të jenë të prodhuara nga kafeja

Dy ndërmarrës në Helsinki të Finlandës, kanë filluar të bëjnë atlete nga mbetjet e përdorura të kafesë.

Son Chu dhe Jesse Tran thonë se janë të obsesionuar pas atleteve. Kompania e tyre, Rens, kombinon pëlhurën e bërë nga mbetjet e kafesë me mbetje plastike të ricikluara, për të krijuar një material të lehtë dhe mjaft të qëndrueshëm për t’u përdorur për mbathje.

Një palë atlete e tyre peshojnë 460 gram, ku 300 gram e tyre janë kafe. Ekuivalenti i gjashtë shisheve plastike të hedhura gjithashtu përdoret në secilën palë, shkruan Forumi Botëror Ekonomik.

Një nga vetitë natyrore të kafesë, është se ato ndihmojnë në eliminimin e aromave – lajm i mirë për këdo që njeh aromën e atleteve të mbathura gjatë. Rens thotë se këpucët e tyre janë vegane gjithashtu.

Me klientë në 57 vende, firma është duke dashur ta rrisë prodhimin e tyre, pas një fushate të suksesshme të mbledhjes së fondeve. Procesi i mbledhjes së kafesë dhe krijimit të këpucëve, aktualisht po bëhet në Kinë, por thonë se kanë ambicie për ta lëvizur prodhimin e tyre në vendlindjen e themeluesve, në Vietnam.

“Ne thjesht donim të bënim atletet më të mira, diçka që ishte teknikisht e avancuar dhe e qëndrueshme,” thotë Tran.

“Të dytë kemi ardhur në Finlandë për të studiuar. Por është e rëndësishme për ne, që prodhimi ynë përfundimisht të zhvendoset për në vendlindjen tonë – ka një rritje të madhe në prodhim dhe investime në Vietnam dhe ne duam të bëhemi pjesë e saj.”

Lexo më shumë

Leave a Reply

Your email address will not be published. Required fields are marked *